Qazaqstannyń elektrondyq lıtsenzııalaý júıesi «E-Business» sanatynda eń úzdik joba dep tanyldy
Eske sala keteıik, www.elicense.kz - ruqsat berý qujattaryn ınternet arqyly alýǵa múmkindik beretin júıe. Bul jobany júzege asyrý ıdeıasy elimizde ruqsat berý qujattaryn retteý men qadaǵalaý mehanızmi retinde 2008 jyly paıda bolǵan edi. Jobany iske asyrý barysynda ruqsat berý úderisterin ońtaılandyrý boıynsha aýqymdy jumystar atqaryldy. Ótkizilgen túgendeý nátıjesinde memlekettik organdar talap etetin qujattar tizimi 1035-ten 517-ge qysqardy. Memlekettik organdardyń 27 aqparattyq júıelerin ózara yqpaldastyrý nátıjesinde talap etilip kelgen 600 túrli qujat qajet emes dep tanyldy. Sondaı-aq, ruqsat qujattaryn berý merzimi de qysqartyldy.
2012 jylǵy tamyz aıynan bastap Qazaqstanda lıtsenzııalar 100% elektrondyq túrde berile bastady. 2013 jyldyń tórt aıynda 6 myńnan astam lıtsenzııa elektrondyq túrde berilgen.
Al aqparattyq qoǵam máseleleri jónindegi joǵary deńgeıdegi búkilámdik kezdesý sheńberinde ótetin Forýmǵa qatysýshylar taqyryptyq semınar-keńester ótkizedi. Sonyń aıasynda búgin sondaı semınarlardyń birin QR Kólik jáne kommýnıkatsııa mınıstrliginiń Memlekettik qyzmetterdi avtomattandyrýdy baqylaý jáne halyqqa qyzmet kórsetý ortalyqtarynyń qyzmetin úılestirý komıtetiniń tóraǵasy Baǵdat Mýsın ótkizedi dep josparlanǵan. Al 15 mamyrda «Ulttyq aqparattyq tehnologııalar» AQ Basqarma tóraǵasy Rýslan Eńsebaev Forýmǵa qatysýshylar aldynda Qazaqstannyń e-lıtsenzııalaý júıesi týraly tolyq baıandama jasaıdy.