Qazaqstannyń El birligi doktrınasynda birtutas ult bolý máselesi anyq qamtylyp otyr - A. Sarym

ASTANA. Sáýirdiń 29-y. QazAqparat /Qanat Mámetqazyuly/ - Qazaqstannyń El birligi doktrınasynda birtutas ult bolý máselesi anyq qamtylyp otyr. Bul týraly elordada Qazaqstannyń El birligi doktrınasynyń qorytyndy nusqasynyń tusaýkeserine arnalǵan baspasóz máslıhatynda komıssııa múshesi, A. Sársenbaev atyndaǵy qoǵamdyq qordyń basshysy Aıdos Sarym málim etti,

dep habarlaıdy QazAqparat.

«Buǵan deıingi Qazaqstannyń ulttyq saıasaty qoǵamda ómir súrip otyrǵan barlyq ulttar men ulystardyń arasynda tatý-táttilikti, eń quryǵanda qaqtyǵystarǵa jol bermeý máselesin qarastyrǵan áńgimege negizdelgen edi. Al búgingi Qazaqstannyń el birligi doktrınasynda biz ondaı kezeńnen ótkendigimizdi aldyǵa tartyp, endi jańa satyǵa qadam jasaý máselesin kóterip otyrmyz. ıAǵnı, biz shyn máninde osy kezeńge deıin eshqandaı qaqtyǵys bolmasyn, eshqandaı jik bolmasyn dep kelsek, endigi kúni shyn máninde tutastaı ult bolaıyq degen máselege nazar aýdaryldy», dedi A. Sarym.

Onyń aıtýynsha qujatta memlekettik til máselesi de keńinen qamtylyp, bul - árbir qazaqstandyqtyń boryshy men mindeti dep atap kórsetilgen.

«Shyn máninde, Qazaqstannyń El birligi doktrınasy - «Qazaqstan-2030» strategııasynan keıingi qabyldanyp otyrǵan, aýyz toltyryp aıtýǵa bolatyn asa mańyzdy qujat. Qujat úlken saıası fılosofııalyq, pýblıtsıstıkalyq tilmen jazylǵan. Meniń túsinigimde dál osy nusqadaǵy qujat kópten beri bolǵan joq», dedi A. Sarym.