Qazaqstannyń eksporttalatyn taýarlar ataýyn 300-ge deıin eseleýge áleýeti bar - E. Dosaev

ASTANA. QazAqparat - Qazaqstannyń eksporttalatyn taýarlar ataýyn 300-ge deıin eseleýge áleýeti bar. Bul týraly búgin QR Prezıdentine eldiń Údemeli ındýstrııalyq-ınnovatsııalyq damý memlekettik baǵdarlamasyn iske asyrý boıynsha Úkimettiń esebimen tanystyrǵan Ekonomıka jáne bıýdjettik josparlaý mınıstri Erbolat Dosaev málim etti.

«Dúnıejúzilik bank jáne Azııa damý banki syndy halyqaralyq uıymdardyń usynystaryn eskere otyryp, basymdyq tek salalardy ártaraptandyrýǵa ǵana emes, sonymen birge eksport barysynda saýda áriptesterdi jáne taýarlar men qyzmetter nomenklatýrasyn ártaraptandyrýǵa beriledi» - dedi ol.

Mınıstrdiń atap ótýinshe, ADB sarapshylarynyń baǵalaýyna sáıkes, búgingi tańda Qazaqstan basqa eldermen basymdyǵyn salystyra qaraǵanda, nebári 127 ustanym boıynsha ǵana taýarlar eksporttaıdy.

«Tabys deńgeıi Qazaqstanmen balama Malaızııa men Taıland syndy elder shamamen 800 taýar ustanymyn eksporttaıdy. Qazaqstannyń eksporttalatyn taýarlar ataýyn 300-ge deıin eseleýge áleýeti bar», - dedi E.Dosaev.