Qazaqstannyń ekinshi deńgeıli bankteri aqparattyq qaýipsizdik máselelerin talqylady

ALMATY. QazAqparat - 16 mamyr kúni Almaty qalasynda ekinshi deńgeıli  bank ókilderimen aqparattyq qaýipsizdik máseleleri boıynsha jumys keńesi ótti. Bul týraly QR Qorǵanys jáne aeroǵarysh ónerkásibi mınıstrliginiń baspasóz qyzmetinen málim etti, dep habarlaıdy QazAqparat.

QR Ulttyq bankiniń bastamasymen jáne «Qazaqstan qarjygerler qaýymdastyǵy» zańdy tulǵalar birlestiginiń qoldaýymen uıymdastyrylǵan is-sharada QR Qorǵanys jáne aeroǵarysh ónerkásibi mınıstrliginiń Aqparattyq qaýipsizdik komıteti (QR QAÓM AQK), QR Ulttyq qaýipsizdik komıteti, QR Ulttyq qaýipsizdik komıtetiniń  «Memlekettik tehnıkalyq qyzmet» RMK qatysty.

Keńeste QR QAÓM AQK tóraǵasy D. Golobýrda baıandama jasady.

Qatysýshylar ekinshi deńgeıli bankterdiń aqparattyq qaýipsizdigin qamtamasyz etýge qoıylatyn jańa talaptardy talqylady. Atap aıtqanda, aqparattyq qaýipsizdik oqıǵalary boıynsha QR Ulttyq bankin qulaǵdar etý jáne oqıǵalardy odan ári birlese tekserý tártibi; ekinshi deńgeıli  bankterdiń aqparattyq qaýipsizdikti basqarý júıeleriniń bar-joǵy týraly málimetterdi usyný, sondaı-aq QR Ulttyq aqparattyq qaýipsizdikti úılestirý ortalyǵynda aqparattyq qaýipsizdikti qamtamasyz etýge qoıylatyn talaptardy saqtaý týraly málimetterdi usyný tártibi; salalyq aqparattyq (kıber) qaýipsizdik ortalyǵynyń bolashaǵy men uıymdastyrý tártibi sóz boldy.