Qazaqstannyń eki qoryǵy ıÝNESKO tizimine endi

ASTANA. QazAqparat - Qazaqstandaǵy eki bıosferalyq qoryq Dúnıejúzilik bıosferalyq rezervattar jelisine endi, dep habarlaıdy QazAqparat tilshisi QR Aýyl sharýashylyǵy mınıstrliginiń Orman sharýashylyǵy jáne janýarlar dúnıesi komıtetiniń baspasóz qyzmetine silteme jasap.

«Búgin ıÝNESKO-nyń MAB halyqaralyq koordınatsııalyq keńesiniń sheshimimen («Adam jáne bıosfera» baǵdarlamasy) Dúnıejúzilik bıosferalyq rezervattar jelisine Sharyn jáne Jońǵar Alataýy ulttyq parkteri qosyldy», - dep jazdy komıtettiń baspasóz hatshysy Sáken Dildahmet Feısbýktegi paraqshasynda.

Osylaısha, Qazaqstannyń bıosferalyq rezervattarynyń tizimine ulttyq 10 qoryq kiredi. Olardyń qatarynda Aqjaıyq, Aqsý-Jabaǵyly, Qorǵaljyn, Alakól, Qaton-Qaraǵaı, Barsakelmes, Qarataý, Altynemel, Sharyn jáne Jońǵar Alataýy, sondaı-aq, transshekaralyq bıosferalyq rezervattardyń biri Úlken Altaı bar.

Dúnıejúzilik bıosferalyq rezervattar jelisi ıÝNESKO-nyń «Adam jáne bıosfera» baǵdarlamasy aıasynda qurylǵan.

Qazaqstannyń erekshe qorǵalatyn tabıǵı aımaqtary úshin ıÝNESKO-nyń bıosferalyq rezervaty mártebesi óte mańyzdy. Sebebi bizdiń tabıǵı aımaqtarymyzdyń qundylyqtaryn halyqaralyq deńgeıde moıyndatýǵa múmkindik beredi.