Qazaqstannyń EAEO-ǵa eksporty qysqardy

NUR-SULTAN. QazAqparat - 2019 jylǵy qańtar-sáýirde elimizdiń Eýrazııalyq ekonomıkalyq odaq eldermen ózara saýda kólemi 0,3 paıyzǵa kemidi. Bul jaıynda QR UEM Statıstıka komıtetinen málim etti, dep habarlaıdy QazAqparat.

«2019 jylǵy qańtar-naýryzdaǵy Qazaqstan Respýblıkasynyń EAEO elderimen ózara saýdasy 4 446,8 mln AQSh dollaryn qurap, 2018 jylǵy qańtar-naýryzben salystyrǵanda, 0,3 paıyzǵa kemidi. Onyń ishinde eksport - 1 344,5 mln AQSh dollary (4,8 paıyzǵa azaıdy), ımport - 3 102,3 mln AQSh dollary (1,7 paıyzǵa ósti)», - delingen komıtet málimetinde.

Aıta keterligi, Qazaqstan Respýblıkasynyń EAEO elderimen syrtqy saýda aınalymy jalpy kóleminde Reseı Federatsııasyna - 92,8, Qyrǵyzstan Respýblıkasyna - 4, Belarýs Respýblıkasyna - 3,1, Armenııa Respýblıkasyna 0,1 paıyz tıesili.