Qazaqstannyń EAEO elderine eksporty 25%-ǵa ósti

NUR-SULTAN. QazAqparat – 2015 jyldan beri Qazaqstannyń Eýrazııalyq ekonomıkalyq odaq elderine eksporty 25%-ǵa ósti. Bul týraly Saýda jáne ıntegratsııa vıtse-mınıstri Janel Kýshýkova aıtyp berdi, dep habarlaıdy QazAqparat.

«2015-2020 jyldary EAEO-ǵa múshe memleketterge eksport 25%-ǵa nemese 5,1-den den 6,4 mlrd dollarǵa deıin ósti. Onyń ishinde Reseıge – 25%-ǵa, Belarýske – 2 ese, Qyrǵyzstanǵa – 20%-ǵa, Armenııaǵa – 6 ese ósim bar», - dedi vıtse-mınıstr Ortalyq kommýnıkatsııalar qyzmetinde ótken baspasóz máslıhatynda.

Onyń aıtýynsha, eksporttyq taýarlardyń assortımenti de ózgergen jáne keńeıtilgen.

«Táýelsizdik alǵan alǵashqy jyldary bizdiń eksportta dástúrli túrde shıkizat taýarlary bolsa, qazir eksportymyzdyń 58 paıyzyn óńdelgen ónimder quraıdy. Al EAEO elderine 2015-2020 jyldary shıkizattyq emes taýarlar eksporty 35%-ǵa (2,8-den 3,7 mlrd AQSh dollaryna) ósken. Mysaly 2020 jyly reseılik saýda jelilerine 2,3 mlrd AQSh dollaryna jemis-kókónis ónimderi jetkizilgen. Bir ǵana Reseı naryǵyna jyl saıyn azyq-túlik ónimderin jetkizýdi arttyrý áleýeti 100 mlrd teńgeden asady», - dedi J. Kýshýkova.

Saýda mınıstrliginiń málimetinshe, jalpy qazaqstandyq eksporttyń shamamen 10%-y EAEO-ǵa múshe memleketterge jiberiledi.