Qazaqstannyń EAEO elderine eksporty 13,5% azaıdy

NUR-SULTAN. QazAqparat - Qazaqstan Respýblıkasynyń Eýrazııa ekonomıkalyq odaǵy (EAEO) elderimen saýda-sattyq kólemi 9,6% azaıdy, dep habarlaıdy QazAqparat.

«Qazaqstannyń EAEO elderimen 2020 jylǵy qańtar-qarashadaǵy ózara saýdasy 17660 mln AQSh dollaryn qurap, 2019 jylǵy qańtar-qarashamen salystyrǵanda 9,6% azaıdy. Sonyń ishinde eksport – 4966,4 mln AQSh dollaryn (13,5% azaıdy), ımport 12693,6 mln AQSh dollaryn (7,9% azaıdy) qurady.

Qazaqstannyń Odaqqa múshe memlekettermen syrtqy saýdasynda kólemi jaǵynan aldyńǵy orynda Reseı Federatsııasy tur – 92,2%. Keıin Qyrǵyzstan – 4,1%, Belarýs – 3,6%, Armenııa – 0,1% elderi ornalasqan.