Qazaqstannyń EAEO elderimen taýar aınalymy 28% ósti

ASTANA. QazAqparat - Aldyn ala málimetter boıynsha, Qazaqstannyń Eýrazııalyq ekonomıkalyq odaq (EAEO) elderimen ózara saýda kólemi 2017 jyldyń qańtar-qarashasynda qarjy ekvıvalentimen alǵanda 15 599,2 mln dollardy qurady. Bul 2016 jylǵy sáıkes merzimdegi kórsetkishtermen salystyrǵanda 28 paıyzǵa kóp, dep habarlaıdy «QazAqparat» HAA QR Ulttyq ekonmıka mınıstrliginiń Statıstıka komıteti.

Atalǵan merzimde EAEO elderiniń eksporty qarjy evıvalentimen alǵanda 4600,3 mln dollarǵa, (bul aldyńǵy jyldyń sáıkes merzimimen salystyrǵanda 31,3% kóp), ımport 10 998,9 mln dollarǵa jetti (+26,7%). Bul rette, Qazaqstannyń EAEO elderimen syrtqy saýda aınalymynyń jalpy kóleminiń 92,3 protsenti Reseıge, 4,2 protsenti Qyrǵyzstanǵa, 3,5 protsenti Belarýs eline tıesili ekenin aıta ketý kerek.