Qazaqstannyń EAEO elderimen saýda aınalymy qańtar-aqpanda 6,1%-ǵa artqan

ASTANA. QazAqparat - Aldyn ala derek boıynsha, Qazaqstannyń Eýrazııalyq ekonomıkalyq odaq (EAEO) elderimen ózara saýda kólemi 2018 jyldyń qańtar-aqpanynda 2605,8 mln dollardy qurady. Bul 2017 jyldyń osy kezeńimen salystyrǵanda 6,1 protsentke kóp, dep habarlaıdy QazAqparat tilshisi QR Ulttyq ekonomıka mınıstrligi Statıstıka komıtetine silteme jasap.

Atap aıtqanda, EAEO elderine eksport kólemi eseptik kezeńde 839 mln dollardy (byltyr qańtardaǵy kórsetkishten 7,9 protsentke joǵary), ımport - 1766,8 mln dollardy (+5,3 protsent) quraǵan.

Qazaqstannyń EAEO elderimen syrtqy saýda aınalymynyń jalpy kólemi Reseımen 91,6 protsent, Qyrǵyzstanmen - 4,5 protsent, Belarýspen - 3,8 protsent jáne Armenııamen - 0,1 protsent bolǵan.