Qazaqstannyń EAEO elderimen saýda aınalymy 4,5% ósti

ASTANA. QazAqparat - 2022 jylǵy qańtar-tamyzdaǵy Qazaqstan Respýblıkasynyń EAEO elderimen ózara saýdasy 17 280,7 mln AQSh dollaryn qurap, ótken jyldyń sáıkes kezeńimen salystyrǵanda nomınaldy mánde 4,5% kóbeıdi. Bul týraly QazAqparat Ulttyq statıstıka bıýrosyna silteme jasap habarlaıdy.

2022 jylǵy qańtar-tamyzdaǵy taýarlar eksporty 5 496,5 mln. AQSh dollary (8% kóp), ımport – 11 784,2 mln AQSh dollary (2,9% kóp)deńgeıinde qalyptasty.

Qazaqstan Respýblıkasynyń EAEO elderimen syrtqy saýda aınalymynyń jalpy kóleminde Reseı Federatsııasyna – 92,5%, budan ári Qyrǵyzstan Respýblıkasyna – 4%, Belarýs Respýblıkasyna – 3,4%, Armenııa Respýblıkasyna – 0,1% keledi.

EAEO elderimen eksport boıynsha ótken jyldyń sáıkes kezeńimen salystyrǵanda hımııalyq elementter boıynsha 2 ese ósim baıqalady. Bul rette kúıdirilgen pırıtti qosa alǵanda, temir kenderi men kontsentrattary boıynsha tómendeý baıqalady (73,6% az).

Importta qara metaldardan jasalǵan dóńgelek qımasy bar ózge de qubyrlar men tútikter boıynsha ósim baıqalady – 4 ese. Bul rette jeńil avtomobılder jáne ózge de motorly kólik quraldary boıynsha tómendeý baıqalady (69,6% az).