Qazaqstannyń EAEO elderimen saýda aınalymy 11%-ǵa artty

NUR-SULTAN. QazAqparat – Osy jyldyń qańtar-naýryzynda Qazaqstan Respýblıkasynyń EAEO elderimen taýar aınalymy $5 693,6 mln qurady, bul ótken jyldyń osy kezeńimen salystyrǵanda nomınaldy mánde 11%-ǵa artyq, dep habarlaıdy QazAqparat QR Strategııalyq josparlaý jáne reformalar agenttigi Ulttyq statıstıka bıýrosynyń baspasóz qyzmetine silteme jasap.

Vedomstvonyń málimetinshe, 2022 jyldyń birinshi toqsanynda taýar eksporty $1 743,8 mln (9,3%–ǵa artyq), ımport - $3 949,8 mln (11,8%-ǵa artyq) deńgeıinde qalyptasty. Qazaqstannyń EAEO elderimen syrtqy saýda aınalymynyń jalpy kóleminde Reseı úlken úleske ıe – 93,3%, odan keıin Qyrǵyzstan – 3,6%, Belarýs – 3% jáne Armenııa – 0,1%.

Sonymen qatar, Ulttyq statıstıka bıýrosy ótken jyldyń osy kezeńimen salystyrǵanda EAEO elderimen eksporttyń eń kóp ósimi hımııa ónimderi jáne onymen baılanysty ónerkásip salalary boıynsha, onyń ishinde jasandy korýnd (alıýmınıı oksıdi, alıýmınıı gıdroksıdi) boıynsha – úsh ese óskeni baıqalady. Import boıynsha mal jáne ósimdik ónimderi, daıyn azyq–túlik taýarlary, onyń ishinde bıdaı men záıtún boıynsha (4,3 ese) kóp ósim bolǵan.