Qazaqstannyń EAEO elderimen ekijaqty saýdasy 60% artty
«Integratsııalyq protsesterdi damytýǵa qatysty Qazaqstannyń ıntegratsııalyq birlestikke qatysý nátıjesin sıpattaıtyn birneshe tsıfrdy keltireıin. Qazaqstannyń Eýrazııa ekonomıkalyq odaǵyna múshe elder arasyndaǵy ózara saýdasy 60%-ǵa artty. Ótken jyldyń qorytyndysy boıynsha ósim 28% qurady, al úshinshi eldermen saýda ósimi 25,4%-ǵa jetti. Qazaqstannyń EAEO múshe elderge eksporty qazirgi ýaqytta 35% sti, al óńdelgen ónim kólemi 64,3%-ǵa artyp otyr», - dedi Baqyt Sultanov Eýrazııa ekonomıkalyq forýmyna beınebaılanys júıesi arqyly qatysa otyryp.
Premer-Mınıstr orynbasarynyń málimetinshe, 2021 jyldyń qorytyndysy boıynsha Qazaqstannyń syrtqy saýdasynyń tórtten bir bóligi EAEO elderine tıesili.
«Osy jáne ózge de kórsetkishter bizdiń Eýrazııa ekonomıkalyq odaǵyna qatysýymyzdyń tıimdiligin aıǵaqtaıdy. Sondyqtan biz onyń odan ári qaraı damýyna múddelimiz. Ekonomıkalyq yntymaqtastyqqa keler bolsaq, ıntegratsııany damytýǵa qatysty perspektıvaly salalar EAEO strategııasymen aıqyndalǵan dep sanaımyn», - deıdi ol.