Qazaqstannyń dzıýdoshylar komandasy Tokıo Olımpıadasyn bir qola júldemen aıaqtady

NUR-SULTAN. QazAqparat - Qazaqstandyq dzıýdoshy Islam Bozbaev Tokıo Olımpıadasynda ekinshi aınalymda jeńilip qaldy, dep habarlaıdy Olympic.kz.

Erler arasynda 90 kelige deıingi salmaq dárejesinde synǵa túsken ol ázerbaıjandyq qarsylasyn uta almady. Mamadáli Mehdıevpen ótken kezdesý qosymsha ýaqytqa (golden skor) deıin sozyldy. Qosymsha ýaqytta otandasymyzdyń qarsylasy ádis jasap, «vazar» upaıymen Islam Bozbaevty utty.

Osylaısha, dzıýdodan Qazaqstan qurama komandasy Tokıo Olımpıadasyn bir qola júldemen aıaqtady. El qorjynyna qola júldeni Eldos Smetov salǵan bolatyn.

Foto: Jeńis Ysqabaı, Qazaqstan UOK