Qazaqstannyń damý strategııasy nege jıi ózgeredi – sarapshy pikiri

ASTANA. QazAqparat – Qazaqstan strategııalyq zertteýler ınstıtýtynyń dırektory Erkin Tuqymov Astanada ótip jatqan Strategııalyq bastamalar forýmynda eldegi reformalardyń jıiligi týraly pikir bildirdi, dep habarlaıdy QazAqparat tilshisi.

«Qazaqstannyń damý strategııasynyń jıi ózgerýi qazirgi jyldam ózgerip jatqan protsesterge beıimdelý úshin jasalyp jatyr. Sondaı-aq, bizdi qorshap jatqan Qytaı, Reseı sııaqty memleketter, Ortalyq Azııanyń ózge elderi boıynsha saýatty mamandar bazasy bolmaýynyń da áseri bar»,- dedi Erkin Tuqymov.

Atalǵan sharada QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın adaǵy 7 jylda densaýlyq saqtaý salasyn tsıfrlandyrýǵa erekshe kóńil bólinetinin aıtty.

«Tsıfrlandyrý baǵytynda nazar aýdarýdy qajet etetin tustar bar. Densaýlyq saqtaý salasy tsırflyq transformatsııalaýdy qajet etip tur. Biz qazir sol baǵytta jumys isteımiz. Jeti jyldyń ishinde densaýlyq saqtaý salasy áldeqaıda boljamdy, jeke adamdarǵa baǵyttalǵan qurylymǵa aınalyp, OpenAPI formatyndaǵy derekter bazasyna qoljetimdilik múmkindigi osy salada da jumys isteýi kerek. Bul árbir adam memlekettiń baqylaýynda, qamqorlyǵynda ekenine senimdi bolý úshin kerek»,- dedi mınıstr.