Qazaqstannyń Damý banki qandaı ındýstrııalyq jobalardy qoldady

NUR-SULTAN. QazAqparat – «Qazaqstannyń Damý banki» AQ Basqarmasynyń tóraǵasy Abaı Sarqulov memlekettik ındýstrııalyq-ınnovatsııalyq damý baǵdarlamasy aıasynda qandaı jobalar qoldaý tapqanyn aıtyp berdi, dep habarlaıdy QazAqparat tilshisi.

Aıta ketsek, Qazaqstannyń Damý banki iri bıznes-ınfraqurylymdyq jobalardy qarjylandyrý jaǵynan Indýstrıaldy-ınnovatsııalyq damýdyń memlekettik baǵdarlamasyn iske asyratyn negizgi operator.

«Qazaqstanda memlekettik baǵdarlamanyń úshinshi kezeńi júzege asyrylýda. Óte aýqymdy jumys atqaryldy, biz birsipira jobany maquldadyq. Naqty sandarmen keltirer bolsaq, Damý banki 581 mıllıard teńge tartty. Biz búginge deıin bul somanyń shamamen 502 mıllıard teńgesin ıgerdik», - dedi Abaı Sarqulov Ortalyq kommýnıkatsııalar qyzmetindegi onlaın baspasóz máslıhatynda.

Ol búginge deıin Aqtóbe rels-arqalyq zaýyty, Ekibastuz qalasyndaǵy «Prommashkomplekt», Qaraǵandy oblysyndaǵy YDD, Makınsk qus fabrıkasy sııaqty aýqymdy jobalar júzege asyrylǵanyn atap ótti. Sonymen qatar byltyr Hyundai avtomobıl zaýyty iske qosylǵan.

«Al eger biz «Nurly jol» baǵdarlamasy týraly aıtar bolsaq, bank eksporttyq operatsııalardy qarjylandyratyn operator bolyp otyr. Saraptamalyq operatsııalardy qarjylandyrýdyń arqasynda bizdiń ónimder qazirgi ýaqytta álemniń 80-ge jýyq eline eksporttalady. Bular - ammıak selıtrasy, alkogolsiz sýsyndar, sút ónimderi sııaqty ónimder. ıAǵnı, biz barlyq elge jol ashyp, eksporttaýshylarǵa qarjylaı qoldaý kórsetemiz», - dedi Abaı Sarqulov.