Qazaqstannyń BUU-ǵa músheliginiń 30 jyldyǵyna arnalǵan poshta markasy shyǵaryldy

ASTANA. QazAqparat - Búgin «Qazaqstan Respýblıkasynyń Birikken Ulttar Uıymyna múshe bolýynyń 30 jyldyǵyna» oraı arnaıy poshta markasy aınalymǵa engizildi. QazAqparat bul týraly «Qazposhta» AQ-ǵa silteme jasap habarlaıdy.

«Estelik jáne mereıtoılyq kúnder» serııasyndaǵy markany «Qazposhta» AQ BUU-nyń Qazaqstandaǵy ókildigimen jáne Qazaqstan Respýblıkasynyń Syrtqy ister mınıstrligimen birlesip shyǵardy.

Markanyń ólshemi 26 h 29,6 mm, taralymy – 10 000 dana. Nomınaly – 700 teńge. Sýretshisi – Elnara Baınazarova.

«Marka keskindemesiniń negizi retinde dombyranyń tańdalýy kezdeısoq emes. Óıtkeni qazaqtyń dástúrli dombyra kúıi ıÝNESKO-nyń Materıaldyq emes mádenı murasynyń reprezentatıvti tizimine engizilgen.

Biz Qazaqstannyń osy otyz jyl ishinde turaqty damý jónindegi is-áreketin quptaımyz. Estelik poshta markasynyń shyǵarylymy Qazaqstannyń syrtqy saıasaty tarıhyndaǵy mańyzdy beles jáne turaqty damý maqsattaryna beıimdigi týraly qoǵam habardarlyǵyn arttyrýdyń belgisi bolyp tabylady», - dedi BUU-nyń Qazaqstandaǵy basshysy Mıkaela Frıberg-Storı.