Qazaqstannyń birneshe óńirinde «Bilimdi ult» ulttyq jobasyn júzege asyrylýda

NUR-SULTAN. QazAqparat – Elimizdiń birqatar aımaǵynda bıyl kúzde qabyldanǵan «Bilimdi ult» sapaly bilim berý» ulttyq jobasyn iske asyrý qolǵa alyndy. Bul týraly QR Bilim jáne ǵylym mınıstrliginiń baspasóz qyzmetinen málim etildi, dep habarlaıdy QazAqparat tilshisi.

«Qazirgi ýaqytta «Bilimdi ult» ulttyq jobasy júzege asyrylyp jatyr. Atalǵan joba aıasynda Pavlodar, Almaty, Qaraǵandy, Aqtóbe, Aqmola, Jambyl oblysy men Almaty qalasynda orta bilim berý boıynsha memlekettik tapsyrys qoldanysqa engizildi. Aldaǵy ýaqytta ulttyq jobany iske asyrý ózge óńirlerde de qolǵa alynady», - delingen habarlamada.

Memleket basshysynyń bastamasymen bıyl qabyldanǵan «Bilimdi ult» ulttyq joba aıasynda 2025 jylǵa deıin orta jáne joǵary bilim berý salasynyń aldynda basty 4 mindet tur.

Odan bólek, atalǵan vedomstvo oqýshylardyń úıirmeler men sporttyq sektsııaǵa degen qyzyǵýshylyǵyna qatysty túsinik berdi.

«Jergilikti atqarýshy organdardyń málimeti boıynsha, búginde mektep oqýshylarynyń úıirmeler men sporttyq sektsııalarǵa qatysýǵa degen belsendiligi baıqalady. Sonymen qatar, jańa oqý jylynan bastap dene tárbıesi muǵalimderine sektsııalyq jumysqa qosymsha aqy tóleýine baılanysty sporttyq sektsııa jumysy sapasynyń jaqsarǵanyn ańǵarýǵa bolady. Jalpy qosymsha bilim berýmen tek mektep qana aınalyspaıdy, odan bólek arnaıy uıymdar bar. Búginde elimizde 1 272 qosymsha bilim berý uıymynda, 9 337 úıirme men sporttyq sektsııa jumys istep tur. Mınıstrlik bul baǵyttaǵy jumysty jalǵastyrady, osy oraıda sporttyq ınfraqurylymdy odan ári jetildire túsý de vedomstvo nazaryndy», - deıdi mınıstrlikten.