Qazaqstannyń birneshe qalasynda jarylǵysh zat qoıylǵany týraly habarlamalar tústi
«Qazaqstannyń birqatar qalasyndaǵy túrli obektilerde ornatylǵan jarylǵysh qurylǵylar týraly kelip túsken habarlamalarǵa baılanysty kelýshiler men personaldy evakýatsııalaý, ǵımarattardy qorshaý júrgizildi, arnaıy tehnıka men qyzmettik-izdestirý ıtterin qoldana otyryp, tıisti qyzmetter men mamandardyń obektilerdi tekserýi qamtamasyz etildi.
Atalǵan faktiler boıynsha QR Qylmystyq kodeksiniń 273-baby boıynsha sotqa deıingi tergeý bastaldy, onyń sanktsııasynda 5 jylǵa deıingi merzimge bas bostandyǵynan aıyrý jazasy kózdelgen» dep habarlady QR ІІM baspasóz qyzmeti.
Іshki ister mınıstrligi salynǵan jarylǵysh zat týraly kórineý jalǵan aqparat taratý qylmystyq jaýaptylyqqa ákep soǵatynyn eskertedi.
Turǵyndardy sabyrlyq saqtaýǵa, ótkiziletin is-sharalarǵa jáne qabyldanatyn qaýipsizdik sharalaryna túsinistikpen qaraýǵa jáne tek resmı aqparatqa senýge shaqyramyz.