Qazaqstannyń bilim berý platformalary belgisiz bireýlerdiń DDoS-shabýylyna ushyrady

NUR-SULTAN. QazAqparat – Qazaqstannyń bilim berý platformalary sanalatyn kundelik.kz pen bilimland.kz baǵdarlamalaryna maqsatty túrde DDoS-shabýyldar jasaldy.

Bul shabýyldardy Qazaqstan Respýblıkasy Ulttyq qaýipsizdik komıtetiniń «Memlekettik tehnıkalyq qyzmet» RMK KZ-CERT kompıýterlik oqıǵalarǵa jaýap berý qyzmeti tirkedi, dep habarlaıdy QazAqparat tilshisi «MTQ» RMK baspasóz qyzmetine silteme jasap.

Taldaý jumystary barysynda DDoS-shabýyldar kóptegen IP-adrester arqyly kóbinese sheteldik ınternet segmentter tarapynan jasalǵany anyqtalyp otyr.

Qazirgi ýaqytta «MTQ» RMK tarapynda ornalasqan apparattyq-baǵdarlamalyq keshenderdiń kómegimen DDoS-shabýyldar toqtatyldy.

Vedomstvonyń habarlaýynsha, tirkelgen shabýyldar bilim berý ınternet-resýrstarynyń qyzmetiniń toqtata almaǵan.

«Kundelik.kz ınternet-resýrsyna shabýyl jasalǵannan keıin 8 mınýt ótken soń bilimland.kz bilim berý portalyna da shabýyl jasaldy. KZ-CERT qyzmetiniń sarapshylary shabýyldardyń bir-birimen baılanysty jáne bul shabýyldardyń qashyqtan oqytý barysynda joǵaryda atalǵan bilim berý portaldarynyń jumysyn buzýǵa baǵyttalǵan degen sheshimge keldi», - dep habarlaıdy KZ-CERT qyzmeti.

Aıta ketsek, buǵan deıin Bilim Media Group óziniń ınternet-resýrsyna baǵyttalǵan DDoS-shabýyldardyń kóbeıgenin habarlaǵan bolatyn.