Qazaqstannyń Belarýs elindegi elshiligi Jeńistiń 65 jyldyǵyna arnalǵan voleıbol týrnıriniń jeńimpazy atandy
08:41, 26 Sáýir 2010
ASTANA. Sáýirdiń 26-sy. QazAqparat - Qazaqstannyń Belarýs Respýblıkasyndaǵy elshiligi Uly Jeńistiń 65 jyldyǵyna arnalǵan voleıbol týrnıriniń jeńimpazy atandy.
Belarýs elinde tirkelgen dıplomatııalyq korpýstyń arasyndaǵy jarys sáýirdiń 24-i kúni Mınskide ótti. Bul týrnırge Qazaqstan Elshiligi men Belarýs Prezıdenti janyndaǵy Basqarý akademııasy uıytqy boldy.
Birneshe kezdesýdiń qorytyndysy boıynsha fınalǵa Qazaqstan Elshiligi men Belarýs Prezıdenti janyndaǵy Basqarý akademııasynyń komandalary shyǵyp, aqtyq oıynda Qazaqstan dıplomattary 2:1 esebimen jeńiske jetti.
Kezdesý qorytyndysy boıynsha jeńimpazdar marapattaldy.