Qazaqstannyń bastamalary - barsha álemge beıbitshilikti jarııa etý - E. Toǵjanov

ASTANA. Mamyrdyń 1-i. QazAqparat /Rýslan Ǵabbasov/ - Qazaqstannyń bastamalary - barsha álemge beıbitshilikti jarııa etý. Bul týraly búgin Astanada Qazaqstan halqy birligi kúni merekesinde Qazaqstan halqy Assambleıasy Tóraǵasynyń orynbasary Eraly Toǵjanov aıtty,

dep habarlaıdy QazAqparat.

«Qazaqstan egemendiginiń eń alǵash kúninen bastap, eń bastysy - el birligine baǵyttalǵan máseleni kún tártibinde qoıdy. Nege deseńizder, memlekettiń damýy tikeleı turaqtylyqqa baılanysty»,-dedi E. Toǵjanov.

«Eger elimizdi barsha álem tanyp jatsa, dinder sezi qazaq dalasynda ótip jatsa, osy turǵyda elimizge senim artyp, eleýli ınvestıtsııalar enip jatsa, bunyń barlyǵy eń aldymen Qazaqstannyń turaqtylyǵyna baılanysty. Bul Elbasynyń júrgizip jatqan parasatty saıasatynyń negizinde jatyr»,-dedi ol.

Osy turǵyda eleýli ıgi bastamalar iske asyrylyp jatqanyna toqtalǵan ol, «atap aıtqanda, ıadrolyq qarýdan bas tartqannan bastap, barsha álemge osy beıbitshilikti jarııa etýdi maqsat tuttyq», dedi.

Sonymen birge E. Toǵjanov El birligi doktrınasynyń eń basty baǵyty - egemendigimizdi nyǵaıtýǵa negizdelgenin atap ótti.