Qazaqstannyń bas týy aza tutý kúnine oraı tómen túsirildi

NUR-SULTAN. QazAqparat – Nur-Sultan qalasynyń ortasyndaǵy Memlekettik tý Almaty mańynda ushaq apatynan qaza bolǵandardy aza tutý kúnine oraı tómen túsirildi, dep habarlaıdy QazAqparat.nu

Qazaqstannyń eń úlken týy elorda ortalyǵynda «Atameken» etno-memorıaldyq kesheni aýmaǵynda ornatylǵan.

Onyń resmı ashylýy on jyl buryn elorda kúnin merekeleý aıasynda ótti. Týdyń kólemi – 450 sharshy metr, al salmaǵy 100 kılogramm tartady.

Eni 15, uzyndyǵy 30 metrlik eldiń bas týy jaı kúnderi 111 metr bıiktikke kóteriledi.

1991 jyldan bastap Táýelsizdik alǵannan beri Qazaqstan tarıhynda ulttyq aza tutý kúni segiz ret jarııalandy.

Eske sala ketsek, 27 jeltoqsanda Almatydan Nur-Sultanǵa baǵyt alǵan Bek Air áýe kompanııasynyń ushaǵy apatqa ushyraǵan bolatyn.

Osy oqıǵaǵa baılanysty QR Prezıdenti Qasym-Jomart Toqaev 2019 jyldyń 28 jeltoqsanyn jalpyulttyq aza tutý kúni dep jarııalady.