Qazaqstannyń Bas prokýrory Qarjy polıtsııasynyń jumysyn synǵa aldy

ASTANA. 30 qańtar. QazAqparat - Búgin Aqordada Elbasy Nursultan Nazarbaevtyń QR-daǵy qylmys pen sybaılas jemqorlyqqa qarsy turý, esirtki zattarynyń zańsyz aınalymynyń jaǵdaıy,

azamattardyń quqyqtary men bostandyqtary taqyrybyna qatysty quqyq qorǵaý organdary basshylarymen ótkizip jatqan keńesinde QR Bas prokýrory Ashat Daýylbaev elimizdiń Qarjy polıtsııasynyń jumysyn synǵa aldy.

Onyń atap ótýinshe, Qarjy polıtsııasy qylmystyq is qozǵaı otyryp, bir sheneýniktiń júıeli túrde jemqorlyqqa boı aldyrǵandyǵy týraly faktilerdi beredi. «Oǵan Astana qalasynyń fıtosanıtarlyq beketiginiń 3 qyzmetkerine birneshe márte para alǵandary úshin 39 márte is qozǵaýy aıqyn dálel bola alady», - dedi Bas prokýror.