Qazaqstannyń barlyq qalalarynda ınklıýzıvti synyptar ashylady

NUR-SULTAN. QazAqparat - 2019 jyly «Bolashaq» korporatıvti qory men «Nur Otan» partııasy Qazaqstan boıynsha 20 ınklıýzıvti synyp ashady, dep habarlaıdy QazAqparat tilshisi.

Bul bastama «Nur Otan» partııasynyń «Kedergisiz keleshek» jobasynyń birinshi baǵytyn júzege asyrý aıasynda usynylǵan. Qazirgi ýaqytta elimizdiń barlyq óńirlerinde ınklıýzıvti bilim berý úlgisimen qamtý jumystary júrýde.

Ázirge «Bolashaq» korporatıvti qory Qazaqstannyń 9 qalasynda ınklıýzıvti synyptar ashqan. Osylaısha, aýtızmi men ózge de mentaldy aýytqýshylyqtary bar 248 bala óz qatarlastarymen birge mektepke barý múmkindigin aldy.

Dúnıejúzilik densaýlyq saqtaý uıymynyń derekterine sáıkes, álem elderi sekildi Qazaqstanda da aýtızmmen aýyratyn balalar sany kóbeıip, 35 myńnan asty. ıAǵnı, árbir 50 balanyń bireýi aýtızmge shaldyqqan.

«Balanyń mektepke bara alýy óte mańyzdy. Aldaǵy ýaqytqa qoıǵan maqsatymyz - Qazaqstannyń árbir qalasynda ınklıýzııa kabınetterin ashý. Qazirgi ýaqytta 9 qalada osyndaı synyptarymyz bar, jyl sońyna deıin taǵy 20 kabınet ashýymyz kerek», - dedi «Bolashaq» korporatıvti qorynyń dırektory Dınar Sháıjúnisova.

Onyń aıtýynsha, ınklıýzıvti kabınetter arqyly Batys Qazaqstan, Shymkent jáne Qyzylorda oblystarynda aýtızmi bar balalar alǵash ret mektep tabaldyryǵyn attaǵan.

Aıta keteıik, 2 sáýir - Búkilálemdik aýtızm máselesi týraly aqparat taratý kúni. Bul kún 2008 jyly Katar memleketiniń bastamasymen bekitilgen. Bul bastamanyń maqsaty - jazylmaıtyn aýrýǵa shaldyqqan adamdardyń qajettiligine nazar aýdarý, olardyń ómir sapasyn jaqsartý.