Qazaqstannyń bank sektoryndaǵy jaǵdaı edáýir turaqty - Ulttyq bank basshysy
Qazaqstan Respýblıkasy Ulttyq bank basshysy óz sózinde ekonomıkany nesıeleý mólsheri 1 aqpandaǵy jaǵdaı boıynsha 13 223,3 mlrd teńgeni quraǵanyn, depozıttik bazada aıtarlyqtaı ósim baryn (0,6%) jáne onyń mólsheri 16 779,8 mlrd teńgege jetkenin tilge tıek etti. Probllemaly bereshek (NPL) targetti deńgeıde (qaryz portfeliniń 9,8 paıyzy) saqtalǵan.
Sonymen birge, D.Aqyshev qaıta qurylymdalǵan qaryz mólsherimen baılanysty, áleýetti túrde problemaly qaryzǵa aınalýy múmkin táýekelder baryn atap ótti. Іzinshe, bankterdiń balansyndaǵy problemaly qaryzdar Ulttyq bank erekshe nazar aýdaryp otyrǵan negizgi táýekelderdiń biri.
«Bankterdi qoldaýǵa baǵyttalǵan daǵdarysqa qarsy sharalardy júzege asyrǵannan keıin Ulttyq bank josparly túrde sektordy myǵym túrde damytý sharalaryna den qoıady. Eń birinshi kezekte, bul keleshekte nesıe berý kezinde qarjyny maqsatsyz qoldaný máseleleriniń aldyn alý jáne bankterdiń tarapynan joǵary deńgeıde baıqaý saıasatyn júrgizý bolyp tabylady. Biz búgingi tańda retteýshi provızııalardyń mehanızmin qalpyna keltirip, bankterdi MSFO 9 esep berý jańa standarttaryna beıimdeý boıynsha jumystardy júrgizip jatyrmyz. Ekinshiden, Ulttyq banktiń qadaǵalaýshy mandatyn kúsheıtý jumysy qolǵa alynady», - dedi D.Aqyshev.
Ulttyq bank basshysy sonymen qatar, táýekel yqtımaldylyǵy zor saıasat júrgizetin retteýshi bankter eskertpeli túrde áser etý boıynsha úlken múmkindikterge ıe bolý kerektigin aıtty.
«Bul - bank sektorynda osyǵan uqsas jaǵdaıdardyń qaıtalanýyna jol bermeıtin, baǵytynda táýekeli bar, qarjylyq qyzmetterdi alatyn tutynýshylardyń múddesin qorǵaýdy kúsheıtetin qadaǵalaýshy. Budan memleket te utady», - dep túsindirdi Ulttyq bank basshysy.