Qazaqstannyń avıatsııalyq ákimshiligi Qazaq Air áýe kompanııasyna josparly ınspektsııa júrgizýde
«Áýe kompanııasyyyń ushýdy paıdalaný, ushýǵa jaramdylyǵy jáne medıtsınalyq saladaǵy, sondaı-aq lıtsenzııalar men sertıfıkattar berý boıynsha qyzmeti tekseriledi. Qazaqstannyń avıatsııalyq ákimshiligi jylyna keminde bir ret áýe kemelerin paıdalanýshylarǵa ınspektsııa júrgizedi», - delingen komıtettiń habarlamasynda.
«Qazaqstannyń avıatsııalyq ákimshiligi» AQ Bas dırektorynyń birinshi orynbasary Lında Orledıdiń aıtýynsha, áýe arqyly qyzmet kórsetetin kompanııalar jylyna kem degende bir ret tekseriledi. Qazaq Air áýe kompanııasyn tekserýge 10 mamannan turatyn ınspektsııalyq komıssııa joldanady. Alaıda bul tekseristiń ótken senbidegi Qazaq Air kompanııasynyń ushaqtaryna qatysty oqıǵalarǵa qatysy joq.
Eske sala ketsek 12 aqpanda saǵat túngi 23.20-da elordada Qazaq Air áýe kompanııasynyń Nur-Sultan – Shymkent baǵytyndaǵy QAZ427 reısinde oqys oqıǵa tirkelgen bolatyn. Ushaqtyń ortańǵy shassıiniń tysy jarylyp, onymen ushaq 700 metrdeı qozǵalyp úlgergen. Osydan soń áýe kemesi turaqqa jetkizilgen edi.