Qazaqstannyń áýe reısi 79 baǵyt boıynsha qaıta jańartyldy

NUR-SULTAN. QazAqparat - 2021 jyldyń qorytyndysy boıynsha qazaqstandyq áýe kompanııalar tasymaldaǵan jolaýshylar sany 2020 jylmen salystyrǵanda 71%-ǵa artyp, 9,4 mln jolaýshy qurady (2020 jyly – 5,5 mln. jolaýshy). Bul týraly QazAqparat Azamattyq avıatsııa komıtetini silteme jasap habarlaıdy.

Sonymen qatar 2019 jylǵy pandemııaǵa deıingi (2019 jyly – 8,6 mln. jolaýshy) kórsetkish mániniń ósýi baıqalady. Ósim 10% qurady.

2021 jyly otandyq áýe kompanııalar ishki baǵyttarda 7,6 mln. jolaýshy (2020 – 4,6 mln jolaýshy, 2019 – 4,6 mln. jolaýshy), halyqaralyq baǵyttarda – 1,8 mln. jolaýshy (2020 – 0,8 mln. jolaýshy, 2019 – 3,3 mln. jolaýshy) tasymaldady.
Air Astana áýe kompanııasynyń jolaýshylar aǵyny 59%-ǵa ósti, shamamen 3,6 mln.jolaýshy tasymaldandy; FlyArystan 109%-ǵa ósti, bul shamamen 3,1 mln. jolaýshyny qurady; SCAT 62%- ǵa ósti-shamamen 2,1 mln jolaýshy tasymaldandy.
Áýejaılarda qyzmet kórsetilgen jolaýshylar sany 17,4 mln. jolaýshyny qurady, bul ótken jylmen salystyrǵanda 63%-ǵa kóp (2020 jyly – 10,7 mln jolaýshy, 2019 jyly – 17,7 mln. jolaýshy).
Áýe qatynasy qalpyna keltirilgen sátten bastap ishki tasymaldardyń marshrýttyq jelisi 12 baǵytqa ulǵaıdy. Búgingi kúni ishki reıster aptasyna 605 reıs jıiligimen 57 baǵyt boıynsha oryndalady.
Halyqaralyq reıster 25 elmen (Túrkııa, BAÁ, Ózbekstan, Reseı Federatsııasy, Grýzııa, Qyrǵyzstan, Belarýs, Ýkraına, Germanııa, Tájikstan, Ońtústik Koreıa, Nıderlandy, Polsha, Armenııa, Ulybrıtanııa, Vengrııa, Maldıv araldary, Taıland, Ázerbaıjan, Katar, Kýveıt, Shrı-Lanka, Saýd Arabııasy, Úndistan, Vetnam) aptasyna 260 reıs jıiligimen 79 baǵyt boıynsha qaıta jańartyldy.