Qazaqstannyń áýe keńistiginde dron ushyrýdyń tártibi aıqyndaldy

NUR-SULTAN. QazAqparat – Qazaqstanda pılotsyz ushý apparattaryn áýe keńistiginde paıdalanýdyń erejesi bekitildi, dep habarlaıdy QazAqparat.

IIDM Azamattyq avıatsııa komıteti «Qazaqstan Respýblıkasynyń áýe keńistiginde pılotsyz ushý apparattaryn paıdalaný qaǵıdalaryn» ázirledi.

Ereje ushý kezindegi qaýipsizdikti jan-jaqty qamtamasyz etý maqsatynda daıarlanǵan.

Aıta ketsek, sońǵy ýaqytta álemde ushqyshsyz avıatsııa naryǵy qarqyndy damýda. Keıbir jaǵdaılarda pılotsyz ushý apparattary qaýipsizdik erejelerin saqtamaýynan áýe kemeleriniń ushýy kezinde birqatar qolaısyzdyq týdyrýda. Bul óz kezeginde oqys oqıǵalarǵa ákep soǵýy múmkin.