Qazaqstannyń áýe keńistigimen ótetin tranzıttik ushaqtar sany artty

NUR-SULTAN. QazAqparat - Elimizdiń aeronavıgatsııalyq júıesi eshqandaı shekteýlersiz áýe qozǵalysyn qabyldaı alady, dep habarlaıdy QazAqparat QR Indýstrııa jáne ınfraqurylymdyq damý mınıstrliginiń resmı saıtyna silteme jasap.

Áýe keńistikteriniń jabylýyna baılanysty Eýropadan Ońtústik-Shyǵys Azııa, Úndistan jáne Parsy shyǵanaǵy elderine baǵyttalǵan tranzıttik reısterdiń kópshiligi qazir Eýropanyń ońtústik dálizderi arqyly oryndalýda.

Bul rette áýe qozǵalysy aǵynynyń bir bóligi Qara teńiz óńirinen Qazaqstan aýmaǵyna baǵyttaldy. Sońǵy táýlikte eldiń áýe keńistigi arqyly buryn josparlanbaǵan 257 reıs oryndaldy.

Respýblıkanyń aeronavıgatsııalyq júıesiniń ótkizý qabileti eshqandaı shekteýsiz áýe qozǵalysynyń qosymsha kólemin qabyldaýǵa múmkindik beretinin atap ótken jón.

Sondaı-aq, áýe qozǵalysyn uıymdastyrý boıynsha birqatar arnaıy sharalar qarastyrylǵan: qosymsha sektorlar ashý, kezekshi aýysymdardy kúsheıtý jáne azamattyq-áskerı úılestirýdiń ózara is-qımyly, túzetilgen jáne balama baǵyttar usyný, Qazaqstannyń áýeaılaqtaryna qonatyn kemeler úshin áýe keńistigin paıdalanýǵa ruqsat berýdi ońaılatý jáne t. b.

Eýropadan Qytaıǵa jáne Ońtústik-Shyǵys Azııaǵa baǵyttalǵan reısterdiń artýy elimizge aıyna $1,5 mln kóleminde qosymsha tabys ákeledi.