Qazaqstannyń áskerı qyzmetshileri birqatar memleketterdiń qarýly kúshteri týraly derekqordy jańartty
Bul týraly QR Qorǵanys mınıstrliginiń baspasóz qyzmetinen habarlady. Semınar Brıýsseldegi NATO-nyń shtab-páterinde ótti. Atap ótilgendeı, semınar maqsaty derekter qoryna engize otyryp, NATO qatysýshy memleketteri men seriktes elderdiń qarýly kúshteri týraly derekterdi jańartý bolyp tabylady. Kezdesý barysynda qazaqstandyq delegatsııa 2016 jylǵa arnalǵan derekti jańartty, birqatar ekijaqty kezdesýlerdi ótkizdi. QR Qarýly Kúshteriniń ókilderi «Verity» derekqorymen jumys jasaý týraly qajetti málimetterdi aldy.
Derekqordyń ózi jeke quramnyń, qarý-jaraq pen tehnıkanyń sanyn, qatysýshy memleketter arasyndaǵy júrgiziletin ınspektsııalar týraly esepterdi qosa eseptegende, EKQKSh sheńberinde aqparat júrgizý úshin arnalǵan. Búgingi tańda Eýropadaǵy kádýilgi qarýly kúshter týraly Sharttyń qatysýshylary Qazaqstan, Reseı, Armenııa, Ázerbaıjan, Belorýssııa, Belgııa, Bolgarııa, Ulybrıtanııa, Vengrııa, Germanııa, Grekııa, Grýzııa, Danııa, Islandııa, Ispanııa, Italııa, Lıýksembýrg, Moldavııa, Nıderlandy, Norvegııa, Polsha, Portýgalııa, Rýmynııa, Slovakııa, Túrkııa, Ýkraına, Frantsııa jáne Chehııa, sondaı-aq AQSh pen Kanada bolyp tabylatynyn aıta ketken jón.
Shartqa sáıkes ony qoldaný aýdanynyń sheginde, bul degenimiz aral aýmaqtaryn qosqanda Atlant muhıtynan bastap Oral taýlary, Oral ózeninen Kaspıı teńizine deıingi aýmaq. Qatysýshy memleketterde kádimgi qarý-jaraq pen jaýyngerlik tehnıkanyń teń sanynyń bolýyna ruqsat etiledi. Bul rette olardyń jalpy jıyntyq sany 40 myń jaýyngerlik tankten, 60 myń jaýyngerlik brondalǵan mashınadan, 40 myń kalıbrdiń artıllerııalyq birliginen, 100 mm jáne joǵary, 13 600 jaýyngerlik ushaq, 4 000 soqqy jasaý tikushaǵynan aspaýy tıis.