Qazaqstannyń áskerı delegatsııasy alǵash ret Qyrǵyzstanǵa resmı saparmen bardy

BІShKEK. QazAqparat - Búgin Qyrǵyzstan Qarýly kúshteriniń Bas shtabynda Qazaqstan áskerı delegatsııasymen kezdesý ótti, dep habarlaıdy Kabar agentttigi.

Kórshi eldiń áskerıleri táýelsizdik alǵan jyldardan beri alǵash ret resmı saparmen baryp otyr. QR Qorǵanys mınıstri general-polkovnık Sáken Jasuzaqov bastaǵan Qazaqstannyń áskerı delegatsııasy 24 shildede Bishkekke keldi. Ol Qyrǵyzstan prezıdenti, Joǵarǵy bas qolbasshysy Sooronbaı Jeenbekovpen kezdesti.

Búgin Qyrǵyzstan Qarýly kúshteri Bas shtabynyń bastyǵy general-maıor Raıımberdı Dýıshenbıevpen kezdesý ótedi.

Kelissózder barysynda taraptar Ortalyq Azııa óńirindegi ahýaldy talqylaıdy, eki eldiń qarýly kúshterin qurý boıynsha tájirıbe almasady jáne birlesken qaýipsizdikti qamtamasyz etý máselelerin sóz etedi. Dıalog nátıjesinde Qyrǵyzstan men QR úkimetteri arasyndaǵy áskerı barlaý salasyndaǵy yntymaqtastyq týraly kelisimge qol qoıylady dep kútilýde.