Qazaqstannyń árbir azamaty májilis, máslıhat saılaýyna qatysa alatyn bolady - Májilis depýtaty

ALMATY. QazAqparat - Endi Qazaqstannyń árbir azamaty saıasatpen aınalysýǵa, májiliske, máslıhatqa, saılaýǵa qatysýǵa jáne saılaýǵa túsýge óziniń Konstıtýtsııalyq quqyǵyn paıdalana alady.

Bul týraly QR Parlament Májilisiniń depýtaty Erlan Saırov Almatyda «Jańa Qazaqstandy birge quramyz» atty uranmen ótip jatqan mıtıng barysyn aıtty, dep habarlaıdy QazAqparat.

«Qazaqstanda demokratııa men plıýralızm úshin barlyǵymyz kúresetin bolamyz. QR Prezıdenti Qasym-Jomart Toqaev partııalardy tirkeýden ótkizý jónindegi zańdy qabyldaýdy tapsyrdy. Endi Qazaqstannyń árbir azamaty saıasatpen aınalysýǵa, májiliske, máslıhatqa, saılaýǵa qatysýǵa jáne saılaýǵa túsýge óziniń Konstıtýtsııalyq quqyǵyn paıdalana alady. Konstıtýtsııa ózgergen soń elimiz Batysty demokratııa modeliniń prıntsıpine barady, – dedi minberden sóılegen depýtat Erlan Saırov»,

Jıynda sondaı-aq depýtat Janarbek Áshimjan sóz sóılep, Qańtar oqıǵasyna qatysty oı-pikirin bildirdi.

Aıta keteıik, búgin Almatyda Sh. Ýálıhanov eskertkishiniń aldynda «Jańa Qazaqstandy birge quramyz» atty beıbit sherý ótip jatyr.

Ruqsat etilgen mıtıngke 2-3 myńǵa jýyq adam keldi.