Qazaqstannyń Áleýmettik kodeksi qashan qabyldanady

NUR-SULTAN. QazAqparat – Qazaqstannyń Áleýmettik kodeksiniń tujyrymdamasy ázirlenip jatyr. Bul týraly QR Eńbek jáne halyqty áleýmettik qorǵaý vıtse-mınıstri Erlan Áýkenov aıtty, dep habarlaıdy QazAqparat tilshisi.

«Mınıstrlik Qazaqstan Respýblıkasynyń «Áleýmettik kodeksiniń» tujyrymdamasyn daıyndap jatqanyn bólek atap ótkim keledi. Tujyrymdama 2022 jyly qabyldanady, al Kodeks 2023 jyly qabyldanady dep josparlanýda», - dedi vıtse-mınıstr Ortalyq kommýnıkatsııalar qyzmetindegi baspasóz máslıhatynda.

Onyń atap ótýinshe, Áleýmettik kodekstiń negizgi jańashyldyǵy – áleýmettik qyzmetti jetildirý, arnaıy áleýmettik qyzmetter kórsetý boıynsha jeke taraý qosý.

«Áleýmettik qyzmet modeli jańartylady. Áleýmettik qyzmetkerlerdi akkredıtteý jáne attestattaý, jan basyna qarjylandyrý jańa modeli engiziledi. Áleýmettik qyzmetkerlerdiń mártebesi kóteriledi jáne taǵy basqa is-sharalar qabyldanady», - dedi Erlan Áýkenov.