Qazaqstannyń 8 ýnıversıteti QS World University Rankings by Subject reıtıngine endi
QR Ǵylym jáne joǵary bilim mınıstrliginiń málimetinshe, tizimge L.N. Gýmılev atyndaǵy Eýrazııa ulttyq ýnıversıteti, Satbayev University, Ál-Farabı atyndaǵy Qazaq ulttyq ýnıversıteti, Abaı atyndaǵy Qazaq ulttyq pedagogıka ýnıversıteti, Abylaı han atyndaǵy Qazaq halyqaralyq qatynastar jáne álem tilderi ýnıversıteti, Súleımen Demırel ýnıversıteti, Qoja Ahmet ıAsaýı atyndaǵy Halyqaralyq qazaq-túrik ýnıversıteti, Qazaq ulttyq agrarlyq zertteý ýnıversıteti endi.
Qazaqstandyq joǵary oqý oryndarynyń taǵy bir jetistigi – bes pándi qamtıtyn salalyq reıtıngige qatysýy boldy. Olar: óner jáne gýmanıtarlyq ǵylymdar, ınjenerlik ǵylymdar men tehnologııalar, ómir týraly ǵylymdar jáne medıtsına, jaratylystaný ǵylymdary, qoǵamdyq ǵylymdar jáne menedjment. Otandyq ýnıversıtetter osy bes salalyq reıtınginiń tórteýine kirip, ondaǵy óz pozıtsııalarynyń sanyn 10-ǵa deıin arttyrdy.
Tórt qazaqstandyq JOO álemniń aldyńǵy qatardaǵy 100 joǵary oqý orny tizimine enip, úzdik nátıjeler kórsetti.
Birinshi júzdikke EUÝ-nyń 3 páni kirdi - «Zamanaýı tilder» 88-pozıtsııa, «Lıngvıstıka» 94-oryn jáne «Qonaqjaılylyq jáne demalysty basqarý» páni boıynsha ýnıversıtet byltyrǵy pozıtsııasyn 51-100 aralyǵynda ustap qaldy.
Odan keıin «Zamanaýı tilder» páni boıynsha 76-orynda ornalasqan Ál-Farabı atyndaǵy Qazaq ulttyq ýnıversıteti tur.
Qazaq ulttyq pedagogıka ýnıversıteti «Bilim berý jáne oqytý» boıynsha top-100 pándik reıtınginiń 76-pozıtsııasyna ornalasty.
Sonymen qatar QazUPÝ «Aǵylshyn tili men ádebıeti» boıynsha pándik reıtıngige qaıta oralyp, onda 95-oryndy ıelendi.
Satbayev University akademııalyq bedel kórsetkishin aıtarlyqtaı jaqsartýdyń arqasynda «Munaı jáne gaz salasyndaǵy ınjenerlik mamandyqtar» boıynsha 51-100 pozıtsııalar dıapazonynda ornalasqan: joǵary oqý orny barlyq pándik reıtıngterde akademııalyq bedeldiń ósý qarqyny boıynsha álemde ekinshi oryndy kórsetti.
Aıta keteıik, QS Quacquarelli Symonds halyqaralyq taldaý agenttiginiń pándik reıtıngileri – joǵary oqý oryndarynyń 15 700-den astam bilim berý baǵdarlamasy boıynsha táýelsiz salystyrmaly taldaý. Olar boıynsha álemniń 93 elinde 1594 ýnıversıtettiń stýdentteri 54 pán jáne 5 keń pándik sanat boıynsha bilim alady.