Qazaqstannyń 8 aıdaǵy jalpy ishki ónim ósimi 4,3 paıyzdy qurady

NUR-SULTAN. QazAqparat - Qazaqstannyń 8 aıdaǵy jalpy ishki óniminiń ósimi 4,3 paıyzdy qurady. Bul týraly búgin Úkimet otyrysynda QR Ulttyq ekonomıka mınıstri Rýslan Dálenov aıtty, dep habarlaıdy QazAqparat tilshisi.

«Aǵymdaǵy jylǵy tamyzda el ekonomıkasy ornyqty serpindi saqtady. 8 aıda jalpy ishki ónimniń ósýi 4,3 paıyzǵa deıin jedeldedi. Bul barlyq halyqaralyq reıtıngtik agenttikter elimizdiń kredıttik reıtıngin ınvestıtsııalyq tartymdylyq deńgeıinde rastady. Bul rette Moody's boljamdy turaqtydan pozıtıvtige jaqsartty. Ósýdiń basty faktorlary ınvestıtsııalyq báseńdilik jáne naqty sektordaǵy óndiristiń ulǵaıýy bolyp otyr», - dedi mınıstr.

Onyń dereginshe, ınvestıtsııalardyń ósimi 10,7 paıyzdy qurady. Eń joǵary ınvestıtsııalyq ósim aýyl sharýashylyǵynda, qurylysta, saýdada jáne ónerkásipte baıqaldy.

«Jyldyq ınflıatsııa nysanaly dáliz sheginde saqtalyp, 5,5 paıyzdy qurady», - dedi ol.