Qazaqstannyń 6 oblysynda aýa raıyna baılanysty eskertý jarııalandy

ASTANA. QazAqparat – «Qazgıdromet» RMK-sy Qazaqstannyń 6 óńirinde aýa raıyna baılanysty eskertý jarııalady, dep habarlaıdy QazAqparat.

Kásiporyn taratqan derekterge qaraǵanda, 16 qarashada túnde Soltústik Qazaqstan oblysynyń basym bóliginde qar jaýady. Oblystyń soltústiginde, ońtústiginde, shyǵysynda kóqtaıǵaq, jaıaý burqasyn bolýy yqtımal. Soltústik-batystan jel soǵady, oblystyń ońtústiginde, shyǵysynda ekpini 15-20 m/s-ke jetedi.

Petropavlda kóktaıǵaq bolady.

Qaraǵandy oblysynyń soltústiginde, shyǵysynda jaıaý burqasyn, kóktaıǵaq bolady. Batystan jel soǵady, oblystyń soltústiginde, shyǵysynda, ortalyǵynda ekpini sekýndyna 15-20 metrge jetedi, keı ýaqytta 25 m/s bolady.

Qaraǵandyda jaıaý burqasyn soǵyp, kóktaıǵaq bolady. Batystan jel soǵady, ekpini 18 m/s.

Ulytaý oblysynyń soltústiginde, batysynda jaıaý burqasyn soǵyp, kóktaıǵaq bolady. Batystan jel soǵady, oblystyń soltústiginde, ortalyǵynda ekpini 15-20 m/s-ke jetedi.

Jezqazǵanda 16 qarashada batystan jel soǵady, ekpini 18 m/s-ke jetedi.

Shyǵys Qazaqstan oblysynda jaıaý burqasyn soǵyp, kóktaıǵaq bolady. Jel ońtústik-batystan, oblystyń soltústiginde, shyǵysynda, batysynda 15-20, ekpini 23-28 m/s-ke jetedi.

Óskemende ońtústik-batystan jel soǵady, ekpini 15-20 m/s.

16 qarashada tańerteń jáne kúndiz Túrkistan oblysynyń taýly jáne taý bókterli aýdandarynda nóser jaýyn-shashyn (jańbyr, qar) bolady, tuman túsedi. Oblystyń soltústiginde, batysynda, taýly jáne taý bókterli aýdandarynda kóktaıǵaq bolady. Soltústik-batystan jel soǵady, oblystyń soltústiginde, batysynda, taýly jáne taý bókterli aýdandarynda kúshi jeldiń kúshi sekýndyna 15-20 metrge, taýly aýdandarda ekpini 23 m/s-ke jetedi.

Shymkentte tańerteń jáne kúndiz nóser jaýyn-shashyn (jańby, qar) bolady. Keı ýaqytta tuman túsip, kóktaıǵaq bolady. Soltústik-batystan jel soǵady, ekpini 15-20 m/s.

Túrkistanda 16 qarashada keı ýaqytta kóktaıǵaq bolady. Soltústik-batystan jel soǵady, ekpini 15-20 m/s.

16 qarashada túnde Aqtóbe oblysynyń soltústiginde, ortalyǵynda, kúndiz ońtústiginde, ortalyǵynda jaıaý burqasyn soǵady. Soltústik-batystan, batystan jel soǵady, túnde oblystyń soltústiginde, ortalyǵynda, kúndiz ońtústiginde, ortalyǵynda ekpini 16 m/s.