Qazaqstannyń 500 iri kompanııalarynyń kóshin «Teńizshevroıl» bastady

ALMATY. QazAqparat - 2014 jyly Qazaqstannyń 500 iri kompanııasy 26,4 trln teńge kóleminde tabys tapty. Ótken jylmen salystyrǵanda kórsetkish 1,1%-ǵa artty.

Mundaı aqparatty National Business saraptama jýrnaly men McKinsey & Company konsaltıng kompanııasy jyl saıynǵy NB500 renkınginde keltirdi. NB500 renkınginde «Teńizshevroıl», «Qarashyǵanaq», «Karachaganak Petroleum Operating» kompanııalary kósh bastap tur. 2014 jyly atalǵan kompanııalar 4,1 trln, 3,2 trln, 2,2 trln teńge tabys tapty. Renkıngtiń úzdik bestigine «Qazaqstan temir joly» (881,2 mlrd teńge) men Eurasian Resources Group (817,4 mlrd teńge) kirdi. Munaı-gaz kesheni kompanııalarynyń jalpy kirisi 2014 jyly 13 604 mlrd teńgeni qurady. Bul ótken jylǵymen salystyrǵanda 2,3 %-ǵa kem. Taý-ken óndirisi kompanııalary 3311 mlrd teńge (+5,9%), qarjy sektory - 2125 mlrd teńge (+10,3%), kólik - 1646 mlrd (+10,6%), qurylys - 1478 mlrd(+6,3%), óńdeý ónerkásibi - 1030 mlrd teńge (+17,3), energetıka salasy - 847 mlrd (+1,9%), IT jáne telekommýnıkatsııa - 717 mlrd (+9,9%), FMCG - 633 mlrd (+5,6%), agroóndiris kesheni - 347 mlrd teńge (-17,1%). Eń jaqsy ósim kórsetken sala - saýda salasy. 500 kompanııanyń tizimin «Arystan PK» JShS qorytyndylady. Atalǵan kásiporyn bıdaı ónimderin óndirýmen aınalysady.