Qazaqstannyń 5 kásiporny Saýd Arabııasyna et eksporttaıdy

NUR-SULTAN. QazAqparat - Qazaqstannyń et óńdeý kásiporyndary Saýd Arabııasyna et eksporttaıdy, dep habarlaıdy QazAqparat.

Qazaqstannyń Aýyl sharýashylyǵy mınıstrligi men Saýd Arabııasynyń Azyq-túlik ónimderi men dári-dármek basqarmasy arasyndaǵy ekijaqty belsendi yntymaqtastyq nátıjesinde qazaqstandyq 5 et óńdeý kásiporny Saýd Arabııasyna qoı eti men sıyr etin eksporttaýǵa quqyǵy bar kásiporyndar tizimine engizildi.

Olar: «Altyn qazyq» JShS (Aqmola oblysy), «Aqtóbe et klasteri» JShS (Aqtóbe oblysy), «Empire Food» JShS (Almaty oblysy), «Meat Processing and Service LLP» JShS (Almaty oblysy), «Kýbleı» JShS (Batys Qazaqstan oblysy).

Buǵan deıin 2021 jylǵy 6-14 qyrkúıek aralyǵynda Saýd Arabııasynyń veterınarııa qyzmetiniń mamandary qazaqstandyq 5 et óńdeý kásipornyna ınspektsııa júrgizgen bolatyn.

«Osylaısha, otandyq kásipkerler basqa elderdiń aýmaǵynda qazaqstandyq mal sharýashylyǵy ónimderin ótkizýdiń jańa naryǵyn ıgerýdi jalǵastyryp jatyr» dep habarlaıdy Aýyl sharýashylyǵy mınıstrligi.