Qazaqstannyń 5 qalasynda vaktsına pasportyn satqandar ustaldy

NUR-SULTAN. QazAqparat – Qarjylyq monıtorıng agenttiginiń qyzmetkerleri Almaty, Shymkent, Aqtóbe, Pavlodar jáne Taraz qalalarynda jalǵan vaktsına pasportyn satqandardy anyqtady, dep habarlaıdy QazAqparat.

Agenttiktiń habarlaýynsha, jalǵan vaktsınatsııa pasporttaryn 5 000-nan 30 000 teńgege aralyǵynda satqan.

Atalǵan faktiler boıynsha qylmystyq kodekstiń 385-babynda kózdelgen qylmystyq quqyq buzýshylyq quramynyń belgileri boıynsha 7 sotqa deıingi tergep-tergeý bastaldy. ıAǵnı, jalǵan qujattardy qoldan jasaý.

Qazirgi ýaqytta olardyń atyna jalǵan vaktsınatsııa pasporttary berilgen 37 azamat, sondaı-aq jalǵan qujat jasaýǵa qatysy bar 12 adam, onyń ishinde 8 medıtsına qyzmetkeri anyqtaldy.

Basqa kúdikti tulǵalardy anyqtaý boıynsha jedel-tergeý sharalary jalǵasýda.

Qarjylyq monıtorıng agenttigi azamattarǵa jalǵan vaktsınatsııa pasporttaryn paıdalanǵany úshin 160 AEK (467 myń teńge) mólsherinde aıyppul salynatynyn, nemese sol mólsherde túzeý jumystary, nemese 160 saǵatqa deıingi merzimge qoǵamdyq jumystar, nemese 40 táýlikke deıin qamaýǵa alynatynyn eske salady.

Pasportty tikeleı qoldan jasaǵan adamdarǵa, onyń ishinde medıtsına qyzmetkerlerine qatań jaza qarastyrylǵan. Olarǵa 2000 AEK (5,8 mıllıon teńge) mólsherinde aıyppul salynady nemese 600 saǵatqa deıingi merzimge qoǵamdyq jumystarǵa tartylady nemese 2 jylǵa deıin bas bostandyǵynan aıyrylmaq.