Qazaqstannyń 30 júk kóligi Ýkraınadan shyǵaryldy
13:16, 05 Naýryz 2022
NUR-SULTAN. QazAqparat – Elimizdiń 30 júk kóligi Ýkraınadan shyǵaryldy, taǵy 11 kólik Polsha shekarasyna qaraı baǵyt aldy. Bul týraly QazAqparat IIDM baspasóz qyzmetine silteme jasap habarlaıdy.
«2022 jylǵy 5 naýryzdaǵy jedel derekterge sáıkes Ýkraına aýmaǵynda qalyp qoıǵan 57 avtokóliktiń 30-y shyǵaryldy. 27 júrgizýshi áli de Ýkraına aýmaǵynda qalyp otyr. Onyń ishinde 11 júrgizýshi qazirgi ýaqytta Ýkraına men Polsha shekarasyndaǵy Rava-rýsskaıa (Ýkraına) – Grebene (Polsha) ótkizý beketine qaraı jiberildi. Ári qaraı olar Belarýs jáne Reseı aýmaqtary arqyly elge bet túzeıdi», delingen habarlamada.
Eske salsaq, 4 naýryzdaǵy jaǵdaı boıynsha Ýkraınadan 23 qazaqstandyq júk kóligi shyǵarylǵan bolatyn.