Qazaqstannyń 2 óńirinde «Halyq qatysatyn bıýdjet» pılottyq jobasy bastaldy
Onyń aıtýynsha, ashyq bıýdjetterdiń negizgi baǵyttary bıýdjetterdi qarastyrýǵa halyqtyń qatysý máselelerine qatysty.
«Qazaqstanda birqatar bastamalar júzege asyp jatyr. Atap aıtqanda, ınteraktıvti, grafıkalyq nysanda aqparat usynylatyn azamattyq bıýdjet uǵymy engizildi. «E-Qarjy mınıstrligi» jobasy aıasynda qarjylyq esep pen bıýdjettiń atqarylýy boıynsha aqparat toptastyryldy. Endi aqparat Excel esepteri túrinde emes, qoljetimdi formatta usynylady. Bizde bıznes nemese analıtıkalyq agenttikterdiń óz júıesinde derekkózderdi biriktiretin bastamalary bar. Biz derekter jıyntyǵyn keńeıtý boıynsha jumys istep jatyrmyz. Ashyq bıýdjetter portaly bar, onda memlekettik organdar Excel formasynda derekterdi qolmen toltyrady, bul aqparattyń der kezinde berilmeıtini týraly synǵa ákep soǵady. Biraq qazir e-qyzmet-pen ıntegratsııa jasalǵan soń, aqparat ýaqytyly jáne ózekti bolady», - dedi R. Eńsebaev QR Aqparat jáne qoǵamdyq damý mınıstrligi uıymdastyrǵan Aqparatqa qol jetkizý máseleleri jónindegi komıssııa otyrysynda.
Sonymen birge, vıtse-mınıstr ppublic.budget.kz – Sybaılas jemqorlyqqa qarsy qyzmettiń ınteraktıvti kartasy týraly aıtyp berdi.
«Bul – bıýdjetti ıgerý boıynsha aqparatty ınteraktıvti túrde kórsetýge múmkindik beretin durys bastama. Dálirek aıtqanda, grafıkalyq nysandy – onyń sýretin, qurylystyń qazirgi jaǵdaıyn, tólemderdi, osy jobany iske asyrý qarajatyn qalaı ıgergenin kórýge bolady», - dep túsindirdi R.Eńsebaev.
Mınıstrlik ókili bıyl Almaty men Nur-Sultanda pılottyq rejımde bastalǵan «Halyq qatysatyn bıýdjet» jobasyn da atap ótti. Jobany engizý bóliginde halyqaralyq tájirıbe eskerilgen.
«Bir jaǵynan, bul – azamattardyń aýlalardy, sport alańdaryn abattandyrý máseleleri boıynsha naqty qajettilikteri. Jaqsy mysaldar bar. Biz pılottyq qalalar aıasynda bul bastamanyń áserin kórdik. Joba aıasynda biz normatıvtik bazany jetildirdik, ózgerister engizdik, halyq qatysatyn bıýdjet uǵymdary anyqtaldy», - dep atap ótti R. Eńsebaev.