Qazaqstannyń 13 óńirinde aýa raıyna baılanysty eskertý jarııalandy

NUR-SULTAN. QazAqparat – Sınoptıkter Qazaqstannyń birqatar óńirinde kún buzylatynyn habarlady, dep jazady QazAqparat «Qazgıdromet» RMK baspasóz qyzmetine silteme jasap.

Abaı aýdanynyń ońtústiginde tótenshe órt qaýpi saqtalady.

Aqmola oblysynyń soltústiginde, batysynda kún kúrkirep, burshaq jaýýy yqtımal. Tańerteń jáne kúndiz oblystyń soltústik, shyǵys, batys bóliginde ońtústik-batystan soǵatyn jeldiń ekpini 15-20 m/s jetýi múmkin. Kókshetaý qalasynda kúndiz naızaǵaı jarqyldaıdy. Ońtústik-batystan jel soǵyp, kúndiz ekpini 15-20 m/s deıin jetedi.

Almaty oblysynyń soltústigi men ońtústiginde kúndiz kún 35 gradýsqa deıin ysıdy.

Atyraý oblysynyń batysynda ońtústik-batystan soǵatyn jel soltústik-shyǵysqa aýysyp, ekpini 15-20 m/s deıin jetedi. Ońtústikte kúndiz 38 gradýsqa deıin qatty ystyq saqtalady. Oblystyń ońtústiginde tótenshe órt qaýpi bar.

Jetisý oblysynda kúndiz 35 gradýs ystyq bolady.

Qaraǵandy oblysynyń ońtústiginde kúndiz kún 37 gradýsqa deıin ysıdy.

Qostanaı oblysynyń soltústik jartysynda naızaǵaı oınap, qatty jel soǵady. Kúndiz oblystyń soltústiginde burshaq jaýady. Ońtústik-batystan soǵatyn jel soltústikte soltústik-batysqa aýysady, oblystyń shyǵysynda jel ekpini 15-20, kúndiz 23 m/s deıin jetedi. Kúndiz oblystyń ońtústiginde, shyǵys bóliginde 38 gradýs ystyq bolady. Oblystyń basym bóliginde joǵary órt qaýpi saqtalady, oblystyń ońtústiginde tótenshe órt qaýpi bar. Qostanaı qalasynda naızaǵaı jarqyldaıdy. Ońtústik-batystan soǵatyn jel soltústik-batysqa aýysyp, kúndiz ekpini 15-20 m/s deıin jetedi.

Qyzylorda oblysynda kúndiz oblystyń ońtústik bóliginde soltústik-shyǵystan soǵatyn jeldiń kúshi 15-20 m/s jetýi yqtımal. Kúndiz 40 gradýsqa deıin qatty ystyq bolatyny kútilýde. Órt qaýpi saqtalýda. Qyzylorda qalasynda tótenshe órt qaýpi bar.

Kúndiz Mańǵystaý oblysynyń batysy men shyǵysynda shańdy daýyl soǵady. Ońtústik-shyǵys, ońtústikten jel soǵyp, kúndiz batysta, shyǵys bóliginde ekpini 15-20 m/s deıin jetedi. Kúndiz oblystyń basym bóliginde 41 gradýs qatty ystyq kútiledi. Oblystyń ońtústiginde óte joǵary órt qaýpi saqtalýda. Aqtaý qalasynda kúndiz shańdy daýyl soǵady dep kútilýde. Kúndiz ońtústik-shyǵystan, ońtústikten ekpini 15-18 m/s jel soǵady.

Nur-Sultan qalasynda kúndiz 35 gradýsqa deıin aptap ystyq bolady. Joǵary órt qaýpi bar.

Pavlodar oblysynyń soltústiginde túnde naızaǵaı oınaıdy. Oblystyń soltústiginde ońtústikten jel soǵyp, kúndiz ekpini 15-20 m/s deıin jetedi. Kúndiz 35-37 gradýs qatty ystyq bolady. Pavlodarda kúndiz 35-36 gradýs qatty ystyq kútiledi.

Kúndiz Soltústik Qazaqstan oblysynyń soltústiginde, batysynda naızaǵaı oınap, daýyl kóteriledi, burshaq jaýýy yqtımal. Ońtústik-batystan jel soǵady, túnde oblystyń ońtústik-shyǵysynda jel ekpini 15-20 m/s, kúndiz oblystyń basym bóliginde 15-20 m/s, keı jerlerde 23-28 m/s deıin jetedi. Kúndiz oblystyń ońtústiginde 35 gradýsqa deıin qatty ystyq kútiledi. Petropavl qalasynda kúndiz ońtústik-batystan 15-20 m/s jyldamdyqpen jel soǵyp, keı jerlerde ekpini 23 m/s deıin jetedi.

Túrkistan oblysynyń taýly aımaqtarynda kúndiz shyǵystan 15-20 m/s jyldamdyqpen jel soǵady. Aýdannyń basym bóliginde tótenshe órt qaýpi saqtalady.