Qazaqstannyń 12 óńirinde aýa raıyna baılanysty eskertý jarııalandy

ASTANA. QazAqparat - 26 mamyrda Qazaqstannyń birqatar oblysynda kún kúrkirep, shańdy daýyl soǵyp, qatty jel turady. Alty óńirge tótenshe órt qaýpi tónip tur, dep habarlaıdy QazAqparat «Qazgıdromet» RMQ-ǵa silteme jasap.

Kúndiz 26 mamyrda Atyraý oblysynyń batysynda, táýlik boıy 27 mamyrda batysynda, ońtústiginde, 28 mamyrda batys bóliginde naızaǵaı oınaýy múmkin. 26-27 mamyrda oblystyń soltústiginde, shyǵysynda shańdy daýyl soǵady. Ońtústik-shyǵystan jel turyp, 26 mamyrda oblystyń soltústiginde, shyǵysynda, ońtústiginde, 27 mamyrda basym bóliginde, 28 mamyrda oblystyń batysynda, soltústiginde, ońtústiginde ekpini 15-20 m/s bolady. 26-28 mamyrda kúndiz oblystyń basym bóliginde 35 gradýs qatty ystyq bolýy múmkin. Oblystyń basym bóliginde tótenshe órt qaýpi saqtalady. Atyraý qalasynda 26 mamyrda ońtústik-shyǵystan jel soǵady, ekpini 15-20 m/s.

Aqmola oblysynyń shyǵys jartysynda 26 mamyrda naızaǵaı oınaýy múmkin. Soltústik-shyǵystan jel soǵady, oblystyń soltústiginde, shyǵysynda ekpini 15-20 m/s jetedi.

26 mamyrda Batys Qazaqstan oblysynyń batysynda, soltústik-batysynda naızaǵaı jarqyldaýy múmkin. Jel ońtústik-shyǵystan, shyǵystan soǵady, kúndiz oblystyń batysynda, ońtústiginde ekpini 15-20 m/s jetedi.

26-28 mamyrda Aqtóbe oblysynyń ońtústik-batysynda órt qaýipi óte joǵary bolady.

Astana qalasynda 26 mamyrda naızaǵaı oınaıy múmkin. Soltústik-shyǵystan jel soǵady, kúndiz ekpini 15-20 m/s.

26-27 mamyrda Ulytaý oblysynyń ortalyǵynda tótenshe órt qaýpi saqtalady.

26 mamyrda Qyzylorda oblysynyń ortalyǵynda, shyǵysynda tótenshe órt qaýpi saqtalady.

26 mamyrda Qaraǵandy oblysynyń soltústiginde, shyǵysynda naızaǵaı oınaıdy. Oblystyń shyǵysynda tótenshe órt qaýpi saqtalady. Qaraǵandy qalasynda 26 mamyrda tańerteń jáne kúndiz naızaǵaı oınaıdy.

26 mamyrda Túrkistan oblysynyń taýlarynda naızaǵaı oınap, soltústiginde shańdy daýyl turady. Shyǵystan jel soǵady, oblystyń soltústiginde, taýly aýdandarynda kúshi 15-20 m/s jetedi.

26 mamyrda Qostanaı oblysynda soltústik-shyǵystan jel soǵady, kúndiz oblystyń ońtústiginde ekpini 15-20 m/s bolýy múmkin. Oblystyń basym bóliginde órt qaýipi joǵary.

Pavlodar oblysynyń ońtústiginde, batysynda kún kúrkireıdi. Soltústik-shyǵystan soqqan jeldiń ekpini 15-20 m/s jetedi. Shyǵysta tótenshe órt qaýpi saqtalady. Pavlodarda 26 mamyr túnde kún kúrkirep, naızaǵaı oınaýy múmkin. Soltústik-shyǵystan soqqan jeldiń jyldamdyǵy 15-20 m/s bolady.

Mańǵystaý oblysynyń ortalyǵy men soltústik-shyǵysynda shańdy daýyl turýy múmkin. Oblystyń soltústik, shyǵys pen ortalyǵynda ońtústik-shyǵystan jel soǵyp, jyldamdyǵy 15-20 m/s jetedi.

Jetisý oblysynyń Alakól kóli aımaǵynda soltústik-shyǵystan jel soǵyp, ekpini 15-20, kúndiz 23-28 m/s bolýy múmkin.