Qazaqstannyń «100 jańa esimin» jyl saıyn jańartý usynyldy

ASTANA. QazAqparat -  Qazaqstannyń «100 jańa esimi» jyl saıyn aýysyp turýy kerek. Qazaqstan Azamattyq alıansy úkimettik emes uıymdary ókilderiniń kezdesýinde «Nur Otan» partııasy astanalyq fılıaly tóraǵasynyń orynbasary Vladıslav Sergeev osyndaı usynys bildirdi, dep habarlaıdy QazAqparat. 

«Myńdaǵan úmitkerdiń arasynan biregeı 100 esimdi iriktep alyp, ózge daryndy tulǵalardy qur qaldyrǵan jaramas. ıAǵnı, qalǵan úmitkerlerde júzdikke keler jyly qosylamyn degen úmiti úzilmeýi kerek. Sondyqtan, «100 jańa esim» tizimi jyl saıyn aýysyp turýy kerek», - dedi Vladıslav Sergeev.

Sondaı-aq, partııa ókili júz tulǵanyń árqaısysynda komanda bolý qajettigin basa aıtty.

«Árbir úzdik tulǵanyń artynda taǵy 100 adam turýy tıis. Olar tulǵa úshin bar jaýapkershilikti moınyna alyp, jobany ilgeriletýge kómektesýi kerek. Máselen, úzdik shyqqan tulǵanyń biri dáriger bolsa jáne ol kúrdeli ota jasaǵysy kelse, áriptesteri, medbıkeler kómektesedi jáne memleket oǵan qarjy bóledi. Eger qandaı da bir ánshi Eýrobaıqaýǵa qatysqysy kelse, onyń da óz komandasy bolýy kerek jáne taǵy basqasy. Ár tulǵa aýyl-aýyldy aralap, adamdarǵa tabysty bolýdyń syryn úıretkenshe, belgili bir jobany qolǵa alyp, alǵa  qadam basýǵa umtylýy kerek», - dedi ol.

Aıta keteıik, Astanada «100 jańa esim» jobasyna qoldaý bildirý maqsatynda qurylǵan «BıÝRO 100» bastamasy aıasynda Qazaqstan Azamattyq alıansy úkimettik emes uıymdarynyń ókilderi kezdesti . Onda Qazaqstannyń «100 jańa esim» jobasyna úmitkerlerdi usyný jáne irikteý máseleleri jáne ondaǵy azamattyq sektor róli talqylandy.