Qazaqstannyń 100 jańa esimin tańdaý qalaı júrgiziledi
«Qazaqstannyń 100 jańa esimi boıynsha óte aýqymdy jumys jasaldy. el.kz portaly saıtqa kelgen barlyq ótinishterdi qabyldap, óńdedi. Óńdeý eki kezeńge jalǵasty. Birinshi kezeńde jergilikti atqarýshy organdarmen fakt-chekıng jasaldy. Ekinshi kezekte redaktsııalyq úndeý júrgizilip, birneshe saıtqa shyqty.
Onyń aıtýynsha, qazan aıynyń basynan baıqaýdyń kelesi kezeńi bastalady. ıAǵnı, 100esim.el.kz portalynda kandıdattarǵa daýys berý júrgiziledi. Ol týra 1 aıǵa ulasady.
«Qoldanýshylarǵa yńǵaıly bolýy úshin jobaǵa qatysýshylar olardyń qyzmet salasyna baılanysty 7 bólimge toptastyrylady. Olar - mádenıet, bilim, qoǵam, óner, bıznes, medıtsına, ǵylym jáne sport. Bul bólimderdiń árqaısysyna shamamen 30-40 qatysýshy usynylǵan. Olardyń sany sarapshylyq toptyń kandıdattardy tańdaýyna baılanysty bolady. Negizgi krıterıin Memleket basshysy óziniń baǵdarlamalyq maqalasynda aıtqan edi», - dedi ol.
Kochetovtiń sózine qaraǵanda, qoǵamdyq daýys berýge usynylǵan kandıdattyń saıttaǵy sýretin basý arqyly onyń tabysqa jetý tarıhymen tanysýǵa múmkindik bar.
«Ashyqtyqty qamtamasyz etý, daýys berýdi eseleýge jol bermeý maqsatynda saıta tirkelý qarastyrylǵan. Ony birneshe ádispen júzege asyrýǵa bolady. Birinshisi, elektrondyq poshta arqyly tirkelý. Ekinshisi, áleýmettik jelidegi akkaýnttar arqyly avtorızatsııalaý. Qoldanýshy kandıdatty tańdap, óz daýysyn berýge daıyn bolǵan kezde sáıkesinshe túımeshikti bassa jetkilikti. Bul rette qoldanýshy ary ketkende 3 adamǵa ǵana daýys bere alady. Bir kandıdatqa bir ret qana daýys berýge bolady. Qaıta daýys berý múmkin emes. Saıtta daýystardy avtomatty túrde sanaý júrgiziledi», - dedi ol.