«Qazaqstannyń 100 jańa esimi» jobasynyń ekinshi kezeńiniń nátıjesi qashan jarııalanady

ASTANA. QazAqparat - QR Aqparat jáne kommýnıkatsııalar mınıstri Dáýren Abaev «Qazaqstannyń 100 jańa esimi» jobasynyń ekinshi kezeńiniń nátıjesi qashan jarııalanatynyn aıtty, dep habarlaıdyy QazAqparat tilshisi.

Ótken jyldyń kúzinde «Qazaqstannyń 100 jańa esimi» jobasynyń ekinshi kezeńi bastalǵan bolatyn. Erejege sáıkes, daýys berilip, sarapshylar komıssııasynyń otyrysy da ótti.

«Shynynda da, ekinshi kezeńdegi jeńimpazdardy anyqtaý jumysy shegine jetti. Qazirgi ýaqytta Aqparat jáne kommýnıkatsııalar mınıstrligi ekinshi kezeńniń nátıjesiniń tanystyrylymyn ótkizýge daıyndalyp jatyr. Meniń oıymsha, osy jyldyń aqpan aıynyń alǵashqy jartysynda bizdiń elimiz jańa tulǵalarynyń jetistikteriniń tarıhymen tanys bolady», - dedi Dáýren Abaev.

Mınıstrdiń aıtýyna qaraǵanda, jobanyń ekinshi kezeńi aıasynda alǵashqydaı 100 adam emes, odan az adam tańdap alynǵan.

«Bul jerde sóz jetistikke toly ondaǵan azamattyń ómiri týraly aıtylyp otyr. Ekinshiden, tájirıbe kórsetip otyrǵandaı, bul jobaǵa qoǵam tarapynan úlken suranys bar. Máselen, eki jyldyń ishinde jobaǵa qatysýǵa 4 myńǵa jýyq ótinim berilgen. Daýys bergenderdiń sany 100 myńnan asyp jyǵylady. Úshinshiden, Qazaqstan jańa batyrlarǵa baı ekenin kórsetip berdi. Ókinishke qaraı, ortamyzda júrgen olar týraly biz kóp bile bermeımiz. Joba osy kemshilikti retteýge baǵyttalǵan», - dedi Dáýren Abaev.

Eske sala ketsek, respýblıkalyq «100 jańa esim» jobasyna (ekinshi kezeńine) úmitkerlerden ótinim qabyldaý jumysy ótken jyldyń qyrkúıek aıynda bastalǵan edi.