Qazaqstannyń 100 jańa esimi qatarynan kóringisi keletin erler basym

ASTANA. QazAqparat - Qazaqstannyń 100 jańa esimi qatarynan oryn alǵysy keletin er adamdardyń sany áıelderge qaraǵanda birshama basym. Mundaı derekti búgin «Qazaqstannyń 100 jańa esimi» jobasy boıynsha jumys jáne sarapshylyq toptyń kezekti otyrysynda áleýmettaný ǵylymdarynyń doktory Lázzat Nurqatova aıtty, dep habarlaıdy QazAqparat.

«Biz kandıdat tarıhyn kim, qaıdan jáne qanshalyqty jiberdi degen sanaqpen jáne statıstıkamen aınalysqan joqpyz. Bizdiń mindetimiz adam tarıhynyń biregeıligin, ereksheligin aıqyndaý boldy. Tarıhynyń jylnamalyq aıasyn ustanýǵa tyrystyq. Naqty aıtqanda Qazaqstan táýelsizdigi kezeńindegi tarıhy qyzyqtyrdy», - dedi ol.

Onyń aıtýyna qaraǵanda, qoǵamdyq onlaın daýys berýge usynylǵan   kandıdattyń 67 paıyzyn er-azamattar, al qalǵan 33 paıyz áıelder quraǵan.

«Aldyn ala iriktep alynǵan kandıdattardyń genderdik jáne etnıkalyq quramyna qatysty mynadaı jaıt belgili boldy. Úmitkerlerdiń shamamen 67 paıyzyn erler, 33 paıyzyn áıelder quraıdy. Barynsha úlgi bolarlyq tarıhtyń batyrlary qatarynda qazaqtar, orystar, koreıler, nemister jáne ýkraındyqtar bar», - dedi ol.