«Qazaqstannyń 100 jańa esim» jobasyna Pavlodardan jeti adam kirdi

ASTANA. QazAqparat - «Qazaqstannyń 100 jańa tulǵasy» jobasyna Pavlodardan usynylǵan úmitkerlerdiń tek jeteýi ǵana engizildi, dep habarlaıdy pavlodarnews.kz. Bul týraly Pavlodar qalalyq máslıhatynyń áleýmettik máseleler jónindegi turaqty komıssııasynyń kezekti otyrysynda qalalyq ishki saıasat bóliminiń basshysy Erjan Rahymjanov aıtty.

«Nur Otan» partııasy qalalyq fılıaly tóraǵasynyń birinshi orynbasary Naılıa Ahmetovanyń qoıǵan suraǵyna Erjan Melsuly «Qazaqstannyń 100 jańa tulǵasy» tizimine kiretin adamdardy anyqtaý jumysy áli de jalǵasatynyn jáne saraptamalyq keńestiń ázirge bir otyrysy ǵana ótkendigin aıtqan.

«Bizde negizinen dárigerler men sportshylar tizimge engizildi, - deıdi vedomstvo basshysy.

«Mysaly saraptamalyq keńestiń birinshi otyrysynda jeti adam bekitildi. Olar - birinshi qalalyq aýrýhananyń qan aınalymy bóliminiń meńgerýshisi Sabıt Júsipov, Oblystyq balalar aýrýhanasynyń somatıkalyq bólimshesiniń dárigeri Botagóz Samatova, Óńirlik kardıologııa ortalyǵynyń bólim meńgerýshisi Almas Antıkeev, Oblystyq onkologııalyq dıspanserdiń bólim meńgerýshisi Inna Lomanskaıa, Pavlodar oblysy boıynsha kópsaıysty jarystyń bas jattyqtyrýshysy Vıktor Bondar, 28 qysqy ýnıversıadanyń júldegeri Anna Tkachenko.