Qazaqstannyń jasóspirim hokkeıshi qyzdary Túrkııany oısyrata jeńdi

<p>ASTANA. KAZINFORM - Shaıbaly hokkeıden jasóspirim qyzdar arasynda álem chempıonaty ІІA dıvızıonynda synǵa túsip jatqan Qazaqstan quramasy Túrkııadan basym tústi.</p>

Álem chempıonaty Nıderlandtyń Herenven qalasynda ótip jatyr. Jarys 15-21 qańtar aralyǵynda ótedi.

Týrnır aıasynda Qazaqstan quramasy Ulybrıtanııa, Túrkııa, Qytaı, Latvııa jáne Nıderland komandalarymen oınaıdy.

Álem chempıonatyndaǵy ekinshi oıynda qazaqstandyq hokkeıshiler Túrkııa qaqpasyna birden shabýyl jasady.

Nátıjesinde birinshi kezeńde qarsylas quramaǵa eki shaıba soǵyp úlgerdi.

Odan keıingi kezeńderde taǵy tórt shaıba engizip, Túrkııa hokkeıshilerin 6:0 esebimen súrindirdi.

Túrkııa — Qazaqstan 0:6 (0:3, 0:3, 0:0)

0:1. 1:40 — ıAkovleva
0:2. 1:57 — Zýbkova (Feoktıstova, Hohlova)
0:3. 13:46 — Krýholskaıa (Zýbkova)
0:4. 20:06 — Zýbkova GB
0:5. 26:10 — Hohlova (Tokkoja)
0:6. 34:10 — Rakovskaıa

Qaqpashylar: Koksal (Akınch, 26:10–60:00) — Ageeva.

Qazaqstandyq hokkeıshiler 15 qańtarda Ulybrıtanııaǵa 0:4 esebimen jeńilip qalǵan edi. Endi olar aldaǵy oıynyn 18 qańtarda Latvııaǵa qarsy ótkizedi.

Tikeleı kórsetilim elorda ýaqytymen 21:30–da Insport telearnasynan bastalady.